رايحين نتفرج على رواية لسى نجيب.. تصدق فتحى سليمان   سيدات العائلة والجارات الملفوفات فى ملايات سمرا وعلى رءوسهن المناديل «أم أويه» كان لا يعنيهن ان كان المخرج صلاح أبو

nn1111

رايحين نتفرج على رواية لسى نجيب.. تصدق

فتحى سليمان

 

سيدات العائلة والجارات الملفوفات فى ملايات سمرا وعلى رءوسهن المناديل «أم أويه» كان لا يعنيهن ان كان المخرج صلاح أبو سيف أو حسن الصيفي….المهم تكون القصة من روايات سى نجيب.

وفى يوم عرض فيلم «بين السماء والأرض» أوكلت جدتى مهمة شراء التذاكر للعبدلله.فخطرت لى فكرة جهنمية أنى أخنصر تمن تذكرة علشان أشترى كتاب “بناء الرواية” تأليف إدوين موير وترجمة الاستاذ ابراهيم الصيرفى ومراجعة الدكتور عبد القادر القط. وقد كان…قمت بأدخال السيدات والانسات وأنا أقوم بالعد بصوت عال 12 13 14 15 16 16 17 18 19وأنا بقى فوق البيعة….تمام يا ريس وتحت ضغط الزحمة وشكل الملايات المتشابه أضطر الأبالسة الى ابتلاع الخدعة…

عمنا إدوين بيتكلم عن الصنعة للمؤلف بيرسى لى بوك وبيقول ان حرفية الكتابة بتساعد فى خلق حدوتة شيقة..

وأن المستر فوستر بيقول ان مواضيع الروايات أى التيمات لابد وأن تحمل وجهة نظر المؤلف..بينما الخواجة كاروثر مصمم على ان الرواية تشبه الحياة وشكل الرواية  لابد أن يواكب شكل الحياة.واقعية أو خيالية ..رمزية أو واقعية سحرية.

أنتى فاهمة حاجة يا جدتى ؟…..

كمل..كمل يا روح جدتك….أكيد حنفهم.

لى بوك بيقول ان الصنعة هى شكل الرواية بمعنى ان الكتابة تكون على طريقة الفلاش باك أو عين الصقر أو رواية الاصوات وممكن كمان تكون أحداثها بتتكون فى مكانين متباعدين وتحصل الحبكة الدرامية عند نقطة معينة قبل النهاية.

والراجل اللى اسمه فوستر بيعدد تيمات ومواضيع الرواية التى لا يخرج عنها السرد مثل رواية الأجيال والرواية الرومانسية والبوليسية والواقعية السحرية والخيال العلمى والرمزية الكافكاوية والاجتماعية والتاريخية.

شوف مين على الباب ؟

ده المكوجى يا جدتي…قلت له مفيش مكوى.

فيه حاجة مهمة جدًا يا جدتى بيقولها مستر فوستر أن فيه شكل حديث للرواية . وهو القصص القصيرة المتماسكة فى صلب الموضوع والحركة العضوية للسرد مع البُعد عن تأكل الحدود.

أهو أنا كده تهت منك…خلينا فى كلام الراجل الخواجة اللى اسمه كاروثر.كان بيقول آيه؟

أنا عاجبانى قوى فكرة ان الرواية تشبه الحياة علشان أفلام سى نجيب كلها منحوتة من حياة الناس .تعرف يا فتحى احنا ليه بنحب روايات الاستاذ؟ علشان بيحب اللى بيكتب عنهم وبيحب اللى بيكتب لهم……ها قال أيه بقى الخواجة كازوزة ؟

بيقول يا ستي..الرواية تشبه الحياة…أحداثها متسلسلة وبناؤها الدرامى لابد وأن يتمتع بالايقاع الواحد وتكون الاحداث على سطح فلسفى واضح مع تدخل المؤلف بوجهة نظر مناسبة لمجتمعه.

وبيقول كمان Hن روايات البطل الجماعى تلاقى استحسان كبير عند جمهور القراء.زى افلام سى نجيب ميرامار وثرثرة فوق النيل وبداية ونهاية…….طبعا الكلام ده يا ستو جاى على هواكي.

الريموت فى يد جدتى بمجرد الدعس على زر التشغيل يرسو على محطة النايل سينما واذا بفيلم درب المهابيل للمخرج توفيق صالح وسيناريو سى نجيب……قالت لى : تعرف ان ربك كريم وبيحب سى نجيب أن الاستاذ صالح لم يخرج الثلاثية….لم يكن ليوفق مثل المعلم حسن الامام……

موافقك جدا يا جدتي….فنجاح النص الروائى بHكتمال المنظومة  من نص سينمائى ينتمى لعالم الشاشة الفضية مع مخرج عاش مع شخصيات النص بعمقها ولا يسرقI الحدث لأن الحدث هو هروب دائم .

أنا نازل يا ستو…….فيه فيلم مكسيكى عن رواية سى نجيب فى مهرجان السينما وHتفقت مع أصحابى نتفرج عليه……

سلام يا حبيبي…..مش حسألك المرة دى قصة ولا مناظر ..طالما عن رواية سى نجيب.تصبح على خير.